Telavidə çay daşqını olub, bir neçə kəndi su basıb – FOTO

Cəmiyyət Manshet

Gürcüstanın Kaxeti rayonunun Telavi bələdiyyəsi ərazisində baş verən daşqının miqyası böyüyür.

Nsa.ge xəbər verir ki, hadisə yerinə cəlb edilən Fövqəladə Hallar Xidməti gücləndirilmiş iş rejiminə keçib.

Telavi üzrə millət vəkili Gela Samxarauli bildirib ki, hadisənin miqyası genişlənməyə davam etdiyindən dəyən zərərin miqyasını indidən təxmin etmək mümkün deyil: “Daşqın  davam edir. Bölgədəki başqa bir çay da təhlükə yaratmağa başlayıb. Əkin sahələri su altında qalıb. Hazırda daha böyük tələfatın qarşısını almaq üçün əraziyə texnika cəlb edilib”. – deyə Gela Samxarauli bildirib.

Şiddətli yağış səbəbindən daşan Qanıx çayı isə Babaneuri, Argoçi, Mağrani kəndlərini və Pankisi dərəsində yerləşən yaşayış məntəqələrini təhlükə altında qoyub. Evlərin birinci mərtəbəsi və daxili yolların su altında qaldığı bildirilir.

Pankisi dərəsində Yoxadan kəndinə aparan körpünün istifadəsi isə tam məhdudlaşdırılıb.

Xatırladaq ki, analoji hadisə ötən gün Nekresi dərəsində də baş verib. Sürüşmə nəticəsində dağdan ayrılan torpaq kütləsi çay yatağını bağladığından Çiatura-Saxhere yolunu su basıb.

NSA.GE