Bakı-Batumi aviareyslərinin sayı artırılır

Manshet İqtisadiyyat

“Buta Airways” aşağıbüdcəli şirkət Bakı-Batumi istiqaməti üzrə uçuşların sayını artırır.

Nsa.ge xəbər verir ki, bu barədə Gürcüstanın Mülki Aviasiya Agentliyi şirkətə müvafiq icazəni təqdim edib.

Aviaşirkət iyulun 17-dən sentyabrın 18-nə qədər Bakıdan Batumiyə həftədə üç dəfə uçuş həyata keçirəcək. Reyslər “Embraer E190”, “Airbus A319” və “Airbus A320” tipli təyyarələrlə yerinə yetiriləcək.

Qeyd edək ki, “Buta Airways” şirkəti Bakı-Batumi istiqaməti üzrə ilk uçuşu bu ilin iyunun 14-də həyata keçirib. Hazırda uçuşlar cümə və bazar günləri olmaqla həftədə iki dəfə yerinə yetirilir.