Gürcüstanın Azərbaycana borcu azalıb

İqtisadiyyat Manshet

Bu il iyulun 1-nə Gürcüstanın Azərbaycana borcu 7, 269 mln. ABŞ dolları təşkil edib.

Nsa.ge xəbər verir ki, bu barədə Gürcüstan Maliyyə Nazirliyinin aylıq hesabatında bildirilib.

Aylıq müqayisədə Gürcüstanın Azərbaycana borcu 166 min dollar azalıb.

Gürcüstanın ümumi xarici dövlət borcu da aylıq müqayisədə 70 900 dollar azalaraq 5 438,040 mln. dollar təşkil edib. Bu məbləğin 5 229, 508 mln. dolları hökumətin payına düşüb.

Gürcüstanın ən çox borcu olduğu ölkələrin ilk üçlüyü dəyişməz olaraq qalıb. İlk üçlükdə Almaniya (317,048 mln. dollar), Fransa (241, 016 mln. dollar) və Yaponiya (218, 843 mln. dollar) yer alıb.

Gürcüstanın Türkiyə, Rusiya və Ermənistana olan borcu aylıq müqayisədə nisbətən azalaraq müvafiq olaraq 13, 980 mln. dollar, 56, 478 mln. dollar və 7, 903 mln. dollar təşkil edib.