“Wi-Fi”yın sürətini necə artırmaq olar?

Manshet Texnologiya

Ekspertlər internetin sürətini artırmağa kömək edəcək 8 üsul açıqlayıblar. Bu haqda Britaniyanın “The Sun” tabloidi məlumat verib.

Onların sözlərinə görə, internet qoşulmanın sürətinə bir neçə amil təsir edə bilər: routerin yerləşməsi, divarların qalınlığı, mebel və hətta insanların sayı.

Nsa.ge xəbər verir ki, internet səhifələrin donması ilə qarşılaşmamaq üçün, ilk növbədə brauzerin keşini təmizləmək və proqram təminatını yeniləmək lazımdır. Həmçinin mütəxəssislər marşrutlayıcını daha yüksəkdə yerləşdirməyi məsləhət görürlər, çünki belə olan halda siqnal daha yaxşı yayılır. Bununla belə onlar qeyd ediblər ki, routeri şüşənin yanında yerləşdirmək tövsiyə edilmir.

Həmçinin fon rejimində işləyən proqramların işinə diqqət yetirmək lazımdır, çünki onlar trafik istifadə edə bilərlər. Ekspertlər antivirus proqramlarını yeniləməyi də tövsiyə ediblər. Sonda mütəxəssislər şəbəkəyə kənar şəxslərin qoşulmaması üçün “Wi-Fi”ya təhlükəsiz parol təyin edilməsini vurğulayıblar.

NSA.GE